Астанада Қазақстан-Қытай бизнес форумы өтті
4 қыркүйекте Астанада Премьер-Министрдің орынбасары Серік Жұманғариннің қатысуымен Қазақстан-Қытай бизнес форумы өтті. Қытайдың Шаньдун провинциясының халық үкіметі мен Қазақстан Республикасының Сауда және интеграция министрлігі ұйымдастырған шара «Бір белдеу, бір жол» бастамасы аясында инвестициялық, сауда-экономикалық, мәдени және туристік ынтымақтастықты кеңейту мақсатында өтті.
Шараға екі елдің мемлекеттік органдарының өкілдері, сонымен қатар Шаньдун провинциясының жетекші кәсіпорындары, атап айтқанда Sinotruk, Shandong Heavy Industry Group, Shandong Wuzheng Group, Shandong Hi-Speed, Shandong Port, Haier, Hisense және т.б қатысты
Премьер-Министрдің орынбасары Серік Жұманғарин құттықтау сөзінде Қытай Қазақстан Республикасының негізгі стратегиялық сауда-инвестициялық серіктестерінің бірі болып табылатынын және экономикалық дамудың барлық негізгі көрсеткіштері бойынша әлемдік көшбасшылардың қатарында екенін атап өтті. Ол елдер арасындағы ынтымақтастық барлық салаларда үздіксіз дамып келе жатқанын және бүгінгі форум елдер арасындағы жан-жақты стратегиялық әріптестік жолындағы тағы бір маңызды кезең екенін атап өтті.
Шаньдун провинциясының коммунистік партия комитетінің хатшысы Линь У бұл шараның елдер арасындағы байланысты одан әрі нығайту тетігі ретіндегі маңыздылығын атап өтті. Оның айтуынша, бұл бизнес-форум қазақстандық және қытайлық компанияларға ауыл шаруашылығы, туризм, көлік-логистика және т.б. салаларда бірлескен инвестициялық жобаларды жүзеге асыруға серпін беруі керек. Ол Шаньдун порты қазақстандық компанияларға өнімді Азия-Тынық мұхиты аймағындағы елдерге экспорттауда көмектесуге дайын екеніне сендірді
Өз кезегінде «KAZAKH INVEST» ҰК» АҚ Инвестицияларды ынталандыру департаментінің директоры Нұржан Әбілқайыр еліміздің инвестициялық мүмкіндіктеріне тоқталып, Қазақстан өңірге жалпы инвестиция ағынының 61 пайызын жинақтап, Орталық Азиядағы ең тартымды инвестициялық бағыт болып қала беретінін баса айтты. Оның айтуынша, қазіргі таңда Қазақстан мен Қытайдың бірлескен инвестициялық жобаларының портфелі 21 миллиард доллардан асатын 52 жобадан тұрады және инвестициялық қарым-қатынастарды кеңейту үшін үлкен әлеуетке ие.
Сондай-ақ Қазақстан Республикасы Мәдениет және спорт вице-министрі Ержан Еркінбаев, Қазақстан Республикасы Экология және табиғи ресурстар вице-министрі Нұрлан Құрмалаев, Қытайдың Қазақстандағы Елшісі Чжан Сяо, Шаньдун провинциясының даму және реформа комиссиясының басшысы Сунь Айцзюнь және т.б. шарада сөз сөйледі.
Форумда екі елдің компаниялары арасындағы ынтымақтастықтың нақты жоспарлары мен жобалары талқыланды. Көлік инфрақұрылымын дамыту, жаңа технологияларды енгізу, ауыл шаруашылығы мен туризмді дамыту, сондай-ақ мәдени-ағартушылық байланыстарды нығайту басты тақырыптар болды. Шара соңында екі елдің компаниялары арасында екіжақты кездесулер өтіп, бірқатар коммерциялық құжаттарға қол қойылды.
Анықтама:
Шаньдун Қытайдың шығыс жағалауында орналасқан, Хуанхэ өзені бассейнінен шығатын жалғыз жол. Қалада 10 көлік әуежайы, 16 жалпы әуежай, 7 жағалау порты, 4 өзен порты, 233 сыртқы сауда контейнерлік маршруттары бар, олардың саны бойынша қала солтүстік порттар арасында бірінші орында тұр.
Шаньдунның барлық 41 негізгі салалары бар күшті өнеркәсіптік базасы бар. Провинцияның өнеркәсіптік өндіріс индексі 80,3 пайызды құрап, елде бірінші орында тұр.
